BERI-PROJEKT

Registrier di, mach mit und loh di überraschä.

Was d Fundchischtä isch

D Fundchischtä isch es Projekt ohni Profit, ohni Werbig und ohni eigennützigi Absicht – en sicherä Ort zum Begägne und Uustuusche. Da goht s nöd ums Gschäft, sondern ums Mitänand: Lüt wo öppis z biete händ, finded die, wo s bruuche chönd. Wie das im Alltag uussäh cha, zeiged d Bilder uf dr Startsiitä – blätter mit de Pfiil dur d Gschichte vom Beri und dr Ling.

Wie s funktioniert

Under «Ha öppis» bütisch a, was du nümme bruchsch oder gern teilsch. Under «Suäch öppis» stellsch ii, was du suechsch. I dr «Leih-Kiste» findsch Sache zum Uuslehne, und i dr «Idee-Kiste» isch Platz für Vorschläg und gmeinsami Projekt. Under «Mitänand» goht s um gmeinsami Aktivitäte und Unternähmige. I dr «Kunst-Kiste» zeiged Künstlerinne und Künstler us de Region ihri Werk. Wenn du iigloggt bisch, chasch eigeni Biiträg erstelle – mit Bild, dass anderi grad gsehnd, worum s goht. Im Chatroom tuusch di mit andere Mitglieder us und chasch eigeni Gruppe gründe, offe oder gschlosse.

Worauf mir achtet

D Fundchischtä läbt vom Teile, Verschänke und Hälfe. Wenn öppis än Priis hät, halt en fair – im Sinn vo dr Gmeinschaft, nöd vom Gwinn. Bitte bliib respektvoll. Unagmesseni oder beleidigendi Biiträg werded entfernt, und gmeldeti Inhalt prüefed mir, dass d Plattform fründlich und sicher bliibt. Kei medizinischi Pfleg und kei gfährlichi Arbet – nume das, wo mer unkompliziert i dr Region mitänand mache chönd. Meldet Fehler oder unpässeni Inhalt grad – so träged mir zäme Sorg und erhalted s Projekt langfrischtig.

Unsere eigene Wetterstation

beri.wetter

Beri und Ling sind fiktivi Figurä, si händ rein symbolischä Charakter.