Dateschutzerklärig

Mir nähmed dä Schutz vo dine persönliche Date sehr ernscht. Dini Date werde vertraulich und noch dä gsetzlichä Datenschutzvorschrifte behandelt.

Mir erhebed und speichere nume diä Date, wo für d'Nutzig vo dr Fundkiste nötig sind, wie zum Biispil für d'Registrierig oder zum Erstelle vo Biiträg. Technische Basisdate wie IP-Adrässe oder Browserversion wärded automatisch für Sicherheit und Betrieb erfasst.

Es findet keini Weitergabä a Dritte statt, usser es isch gsetzlich vorgeschribe oder du hesch ausdrücklich zuegstimmt. Dini Date blibed nume so lang gspeicheret, wie's für dä Betrieb bruucht wird. Du chasch dini Date jederzeit im Profil ändere oder lösche.

Du hesch s'Recht, Uskunft über dini gspeicherte Date z'forderä, Falschi korrigiere z'loh oder dini Date lösche z'loh (im Profil, wennt igloggt bisch, chasch diis Konto permanent selber löschä).

Chatkiste – Nachrichte, Föteli und Sprachnachrichte

I de Chatkiste chasch mit andere Mitglieder schriibe. Bi de Gruppächats gseht jedes aagmeldete Mitglied d Nachrichte. En Diräkt-Chat entstoht erscht, wenn beid Siite iiverstande sind: du schicksch en Aafrog, di anderi Person cha aanäh oder ablehne. Diräkt-Nachrichte gseht nume die zwei beteiligte Persone – und im Fall vonere Meldig d Moderation. Was gspeicheret wird: dini Nachrichte, hochglade Föteli und Sprachnachrichte samt Zitpunkt und dim Name, uf em Server vo fundkiste.ch (Novatrend, Schwiiz). Föteli werde automatisch verchlineret. In dim Profil chasch mit em Häkli "Chat erlaube" bestimme, ob di anderi Mitglieder dörfed aaschriibe. En Chat chasch jederziit trenne – denn wird de Verlauf glöscht. Unaagmässeni Nachrichte chasch mit em Fähnli melde. Wenn du dis Konto löschsch, werded au dini Chat-Inhalt glöscht. Es git kei Wiitergab a Dritti und kei Werbig.

Haftig

D Fundchischtä isch en Ort, wo Lüt us de Region enand Sache verschänke, uslehne, tuusche und sich gägesitig hälfe. Ich stelle de Platz zur Verfüegig – de Uustuusch selber passiert direkt under de Mitglieder. Wer öppis iistellt, isch für sini Aagabe selber verantwortlich: für d Beschriibig, für d Bilder und derfür, dass er s Ding au würklich wiitergeh darf.

Ich prüefe d Sache nöd und cha nöd garantiere, dass es passt, funktioniert oder sicher isch. Für de Uustuusch under de Mitglieder übernimm ich kei Haftig. Wer öppis übernimmt, luegt sich s zerscht sälber aa. Bi Grät, Werkzüüg und allem, wo Strom bruucht, gilt: vor em Bruuche prüefe, im Zwiefel vo Fachlüt aaluege loh.

Wenn öppis kaputt isch: sag s. Es isch kei Problem, öppis Defekts wiiterzgeh – für Ersatzteil oder zum Reparieren isch das sogar sinnvoll. Aber schriib s dezue. Wer en bekannte Mangel verschwiigt, isch defür verantwortlich.

Bim Uslehne bliibt d Sach em Verlieher und muess zrugg – das gilt vo Gsetzes wäge, au ohni Zettel. Trotzdem lohnt sich s, churz schriftlich festzhalte, was wänn use goht und wänn s zrugg chunnt. Am eifachste über d Chatkiste, denn hends beidi. Und: Was du nöd verlüre chasch, lehn nöd us.

Kei Handel im grosse Stil, kei Werbig, kei verbotene Sache, kei Beleidigunge. Under jedem Biitrag und jeder Nachricht hät s en Melde-Chnopf. Wenn öppis nöd stimmt, druck druuf – ich luege s aa und nimm Biiträg abe, wo dagege verstosse.